حكاوي عبد الزمبار
( زمبرة كان شغال مرة في متجر 711 في رمضان. مديرة المتجر وباكستاني وبنقلاديشي أيضآ كانوا يعملون في نفس المتجر..عندما حانت ساعة الإفطار اكتشفوا بأنهم جميعا كانوا صائمين. زمبرة قال ليهم بالله ده دكان 711 ولا الجامع الكبير!!؟)...
Sunday, May 28, 2017
Friday, May 26, 2017
حكاوي عبد الزمبار
( زمبرة قال الكوليرا دي ما حتقيف على ناس بحر ابيض وبس؛ حتى المسؤولين وأسرهم بتصلهم. مش لو مويتهم نضيفة واكلهم تمام، لانو ببساطة، صحة البيئة منتهية ولا بصرفوا عليها. وإذا واحد من أولادهم أو ناسهم(كولر) اصابته الكوليرا بجروا بيه العاصمة للعلاج وهناك بكونوا خلاص تمو الناقصة ونشروها !!؟)...
( زمبرة قال الكوليرا دي ما حتقيف على ناس بحر ابيض وبس؛ حتى المسؤولين وأسرهم بتصلهم. مش لو مويتهم نضيفة واكلهم تمام، لانو ببساطة، صحة البيئة منتهية ولا بصرفوا عليها. وإذا واحد من أولادهم أو ناسهم(كولر) اصابته الكوليرا بجروا بيه العاصمة للعلاج وهناك بكونوا خلاص تمو الناقصة ونشروها !!؟)...
Wednesday, May 24, 2017
حكاوي عبد الزمبار
( زمبرة سألوه عن رأيه في زيارة ترمب للسعودية ومقابلة حوالي خمسين من زعماء العالم الإسلامي. فقال، كان للزعماء ديل بعد الشتيمة والنجيهة الكالاوها ليهم أيام الانتخابات، ديل أحسن ليهم يريحوا الناس و يطلقوا الحريات ويساووا بين الناس والله ما تجيهم التكتح. وكان لترمب ده اليرجا الحلاقة الراجياهو في امريكا!!؟)....
( زمبرة سألوه عن رأيه في زيارة ترمب للسعودية ومقابلة حوالي خمسين من زعماء العالم الإسلامي. فقال، كان للزعماء ديل بعد الشتيمة والنجيهة الكالاوها ليهم أيام الانتخابات، ديل أحسن ليهم يريحوا الناس و يطلقوا الحريات ويساووا بين الناس والله ما تجيهم التكتح. وكان لترمب ده اليرجا الحلاقة الراجياهو في امريكا!!؟)....
Sunday, May 21, 2017
حكاوي عبد الزمبار
( فطومة زوجة زمبرة عندها صاحبة عكليته من ناس شهود يهوه و هي طائفة مسيحية صغيرة. لا تحتفل بعيد الميلاد ولا يخدمون في الجيش وهي معزولة من بقية الطوائف المسيحية. ولو زاروك، تاني إلا حمار الوادي يهنك عشان يخلوك!! . وقدر ما فطومة حاولت تتملص منها ما لقت طريقة. اخيرا كلمت زمبرة عشان يشوف ليها طريقة للمخارجة ..زمبرة طوالي عاش الدور ودخل مع الخواجية بالعربي في القولد التقيت بالصديق الى جدادي يلقط الحب وبلدتي بلدتي بهجة المنظر.. والخواجية تعاين ليهو وتتكشم..بعد قليل قالت لفطومة ممكن اتكلم بالتلفون. قالت ليها، ممكن ونص. فطومة قالت لزمبرة ، انت يا يابا تتعلى وما تدلى. خلاص جبت خبرا..بعد شوية في واحد دق جرس الباب..زمبرة فتح الباب ظهر زول وقال، بالعربي الفصيح السلام عليكم اخوكم حنا من شهود يهوه من لبنان!!؟)...
( فطومة زوجة زمبرة عندها صاحبة عكليته من ناس شهود يهوه و هي طائفة مسيحية صغيرة. لا تحتفل بعيد الميلاد ولا يخدمون في الجيش وهي معزولة من بقية الطوائف المسيحية. ولو زاروك، تاني إلا حمار الوادي يهنك عشان يخلوك!! . وقدر ما فطومة حاولت تتملص منها ما لقت طريقة. اخيرا كلمت زمبرة عشان يشوف ليها طريقة للمخارجة ..زمبرة طوالي عاش الدور ودخل مع الخواجية بالعربي في القولد التقيت بالصديق الى جدادي يلقط الحب وبلدتي بلدتي بهجة المنظر.. والخواجية تعاين ليهو وتتكشم..بعد قليل قالت لفطومة ممكن اتكلم بالتلفون. قالت ليها، ممكن ونص. فطومة قالت لزمبرة ، انت يا يابا تتعلى وما تدلى. خلاص جبت خبرا..بعد شوية في واحد دق جرس الباب..زمبرة فتح الباب ظهر زول وقال، بالعربي الفصيح السلام عليكم اخوكم حنا من شهود يهوه من لبنان!!؟)...
Thursday, May 18, 2017
حكاوي عبد الزمبار
(في واحدة من المدن الأمريكية كانت هناك جالية سودانية صغيرونة، بدأت تكبر شوية شوية. وكانت مجاملات الأفراح والأتراح تتم عشوائيا أو بمجهودات فردية. فكر بعض الأفراد بتكوبن جالية لتنظيم الحاجات دي وكمان ابتكار أفكار للاهتمام بالأطفال وموضوعات اخرى ثقافية واجتماعية ..زمبرة عينوهو رئيس للجنة تشرف على وضع دستور مؤقت وبعد ذلك دعوة لاجتماع عام لاجازة الدستور وتكوين لجنة تنفيذية. يوم الاجتماع وقف احد الشباب وقال، شوفو يا جماعة، كلامكم ده كويس بس ما دايرين معانا مسيحيين!!؟.. زمبرة طوالي قال للشاب اسمع يا خينا انت البلد القاعد فيها دي مكة ولا المدينة !؟. وانت مش شغال تكاسي؟ سمح الزبائن البتشيلم ديل ناس طالبان؟!!. ديل ما ياهم مسيحيين البلد دي !!. الشاب طوالي خرج من القاعة ولحقت به مجموعة تحنس فيهو!!؟)...
(في واحدة من المدن الأمريكية كانت هناك جالية سودانية صغيرونة، بدأت تكبر شوية شوية. وكانت مجاملات الأفراح والأتراح تتم عشوائيا أو بمجهودات فردية. فكر بعض الأفراد بتكوبن جالية لتنظيم الحاجات دي وكمان ابتكار أفكار للاهتمام بالأطفال وموضوعات اخرى ثقافية واجتماعية ..زمبرة عينوهو رئيس للجنة تشرف على وضع دستور مؤقت وبعد ذلك دعوة لاجتماع عام لاجازة الدستور وتكوين لجنة تنفيذية. يوم الاجتماع وقف احد الشباب وقال، شوفو يا جماعة، كلامكم ده كويس بس ما دايرين معانا مسيحيين!!؟.. زمبرة طوالي قال للشاب اسمع يا خينا انت البلد القاعد فيها دي مكة ولا المدينة !؟. وانت مش شغال تكاسي؟ سمح الزبائن البتشيلم ديل ناس طالبان؟!!. ديل ما ياهم مسيحيين البلد دي !!. الشاب طوالي خرج من القاعة ولحقت به مجموعة تحنس فيهو!!؟)...
Tuesday, May 16, 2017
حكاوي عبد الزمبار
( زمبرة مرة فكر يشتري سيارة. قروشو كانت مقصرة وما بتجيب ليهو إلا المكعكعات. حاول يستلف فشل. اتوكل ومشى الدلالة. لقى ليك العربات مطرة هناك، ودخل يزايد في واحدة. كلما يعلى واحد على سعرو في واحد خواجة واقف جنبو يلكدو ويقول ليهو يالله زيد، زيد دي عربية سمحة ما بتتعوض!؟. وزمبرة سارح ويزيد يحدي ما سعر العربية طار السما. فجأة وقعت السيارة لزمبرة .وصاحبو الخواجة شال زمبرة وزمبرة يهتف، عاش نضال الطبقة العاملة. موظف الدلالة ما صدق وجا جاري وجاب ورقو وقال لزمبرة يالله يا خينا باقي القروش عشان نتم البيعة . زمبرة هبش قروشو ولقاها ما تامة. الموظف قال لبهو في الحالة دي انحنا بنشيل التأمين كلو وتاني ما تعتب علينا في دلالتنا دي. زمبرة طوالي رفع قبضة يدو ولوح بيها هاتفا تسقط الراسمالية العالمية الامبريالية بت الكلب !!؟.)...
( زمبرة مرة فكر يشتري سيارة. قروشو كانت مقصرة وما بتجيب ليهو إلا المكعكعات. حاول يستلف فشل. اتوكل ومشى الدلالة. لقى ليك العربات مطرة هناك، ودخل يزايد في واحدة. كلما يعلى واحد على سعرو في واحد خواجة واقف جنبو يلكدو ويقول ليهو يالله زيد، زيد دي عربية سمحة ما بتتعوض!؟. وزمبرة سارح ويزيد يحدي ما سعر العربية طار السما. فجأة وقعت السيارة لزمبرة .وصاحبو الخواجة شال زمبرة وزمبرة يهتف، عاش نضال الطبقة العاملة. موظف الدلالة ما صدق وجا جاري وجاب ورقو وقال لزمبرة يالله يا خينا باقي القروش عشان نتم البيعة . زمبرة هبش قروشو ولقاها ما تامة. الموظف قال لبهو في الحالة دي انحنا بنشيل التأمين كلو وتاني ما تعتب علينا في دلالتنا دي. زمبرة طوالي رفع قبضة يدو ولوح بيها هاتفا تسقط الراسمالية العالمية الامبريالية بت الكلب !!؟.)...
Saturday, May 13, 2017
حكاوي عبد الزمبار
( زمبرة كان شغال في واحد من مطارات امريكا وظيفتين. يقلع هدوم الشغل الأول ويلبس هدوم الشغل التاني في حمامات المطار الماخمج...الايدين اتماصت والكرعين دابو والجتة الهواء بقى يشيلا.. وبهناك ناس السودان شابكنو رسل الضحكات وجبارات الكسور ( الدولارات ).. وهو في الحرابة دي امو رسلت ، وقالت ليهو حمودي نجح واتخرج من الروضة وبالله رسل ليهو الجالكسي 7، عشان انا وعدتو!!؟. والرسالة التانية كانت من أخوه عباس وتقول رسالتو، نحن وصلنا القاهرة مع الأولاد لأنو السودان حاااار، بالله رسل لينا مصاريف للشقة والفسحة!!؟.
قالو زمبرة طوالي وقع على قدومو وكضم وودوه الحوادث ولسه مازال في العناية المكثفة !!؟)...
( زمبرة كان شغال في واحد من مطارات امريكا وظيفتين. يقلع هدوم الشغل الأول ويلبس هدوم الشغل التاني في حمامات المطار الماخمج...الايدين اتماصت والكرعين دابو والجتة الهواء بقى يشيلا.. وبهناك ناس السودان شابكنو رسل الضحكات وجبارات الكسور ( الدولارات ).. وهو في الحرابة دي امو رسلت ، وقالت ليهو حمودي نجح واتخرج من الروضة وبالله رسل ليهو الجالكسي 7، عشان انا وعدتو!!؟. والرسالة التانية كانت من أخوه عباس وتقول رسالتو، نحن وصلنا القاهرة مع الأولاد لأنو السودان حاااار، بالله رسل لينا مصاريف للشقة والفسحة!!؟.
قالو زمبرة طوالي وقع على قدومو وكضم وودوه الحوادث ولسه مازال في العناية المكثفة !!؟)...
Friday, May 5, 2017
حكاوي عبد الزمبار
( زمبرة مرة كان شغال في قسم لتوزيع البربد في بوستة في مدينة أمريكية. لا حول ولا قوة ، أطنان واطنان من البريد وتقريبا ربع بريد العالم بتوزع في امريكا ولولا المكنات والتكنولوجيا لطارت الأيادي مع البريد ! المهم كان على كل شخص أن يجلس مرة كل ربع ساعة على مكنة التوزيع الاتوماتيكي ونسبة للعمل الشاق ودوبان الأرجل! فقد كانت أمنية كل عامل...خدوجة زميلة زمبرة كانت كل ما يجي دورها وتمر ربع ساعتها تحلف ماتقوم وتعمل فيها رايحة وما مذكرة الوقت وبما انها المرأة الوحيدة في الوردية فقد كان فريقها يجد حرج في تنبيهها . زمبرة كان متضايق من الوضع ده..مرة دق صدرو ومشى كلما..فقالت ليهو خلاس، أنا بشيل ربع ساعتك انتا ما اخوي الكبير!!؟)...
( زمبرة مرة كان شغال في قسم لتوزيع البربد في بوستة في مدينة أمريكية. لا حول ولا قوة ، أطنان واطنان من البريد وتقريبا ربع بريد العالم بتوزع في امريكا ولولا المكنات والتكنولوجيا لطارت الأيادي مع البريد ! المهم كان على كل شخص أن يجلس مرة كل ربع ساعة على مكنة التوزيع الاتوماتيكي ونسبة للعمل الشاق ودوبان الأرجل! فقد كانت أمنية كل عامل...خدوجة زميلة زمبرة كانت كل ما يجي دورها وتمر ربع ساعتها تحلف ماتقوم وتعمل فيها رايحة وما مذكرة الوقت وبما انها المرأة الوحيدة في الوردية فقد كان فريقها يجد حرج في تنبيهها . زمبرة كان متضايق من الوضع ده..مرة دق صدرو ومشى كلما..فقالت ليهو خلاس، أنا بشيل ربع ساعتك انتا ما اخوي الكبير!!؟)...
حكاوي عبد الزمبار
( مرة زمبرة كان ساكن عزابي وقام جاهو ضيف من المغرب. انتا يا الحرامي تطير عيشتك، تجي تسرق حاجات الضيف. زمبرة دخل في اضافرينو من الحرج وما عارف يعمل شنو. هناك ما بعيد من سكنو كان بجي شاب مريض نفسيا ويشرب البنقو. زمبرة فكر وقال يمكن الشاب ده هو السرق. قام مشى ليهو وقال يجيهو بفوق وقال ليهو، اسمع يا ابو الشباب عندنا حاجات أسرقت من ضيفنا ده فلو عرفت لينا الحاجات دي وين ولا منو السرقا انا تاني كل يوم البنقو ده علي!!؟ الشاب طوالي قال ليهو شوف يا زعيم!، والله انا ما سرقت ولا شفت الحرامي السرق وكان عرفت حاجة بجي بكلمك، لكن والله انا عرفتك انت بتاع بنقو من عيونك الحمر دي!!؟.)..
( مرة زمبرة كان ساكن عزابي وقام جاهو ضيف من المغرب. انتا يا الحرامي تطير عيشتك، تجي تسرق حاجات الضيف. زمبرة دخل في اضافرينو من الحرج وما عارف يعمل شنو. هناك ما بعيد من سكنو كان بجي شاب مريض نفسيا ويشرب البنقو. زمبرة فكر وقال يمكن الشاب ده هو السرق. قام مشى ليهو وقال يجيهو بفوق وقال ليهو، اسمع يا ابو الشباب عندنا حاجات أسرقت من ضيفنا ده فلو عرفت لينا الحاجات دي وين ولا منو السرقا انا تاني كل يوم البنقو ده علي!!؟ الشاب طوالي قال ليهو شوف يا زعيم!، والله انا ما سرقت ولا شفت الحرامي السرق وكان عرفت حاجة بجي بكلمك، لكن والله انا عرفتك انت بتاع بنقو من عيونك الحمر دي!!؟.)..
حكاوي عبد الزمبار
( في مرة من المرات زمبرة ساق ولدو وداهو المدرسة. هناك شاف التلاميذ بقدمو ليهم وجبات وحليب مجاني. سأل، الخير ده كل يوم!. قالوا ليهو، ايوا، وطول السنة وكمان معاهو علاج مجاني ومتطوعين يساعدون التلاميذ المابتكلمو لغة البلد في الدروس بعد المدرسة. زمبرة طوالي قال، طيب ياجماعة انحنا زمان ماقرينا كده وده كلو كان عندنا ولا كان هناك بترول ولا دهب ..شوفو يا كرام، يا نجيب الحرامية ديل ونحلبهم يطلعوا لينا اللغفو ده عشان نرجع زي ما كنا زمان ولا نقول لناس البلد دي خلاس ختونا تحت وصايتكم!!؟)..
( في مرة من المرات زمبرة ساق ولدو وداهو المدرسة. هناك شاف التلاميذ بقدمو ليهم وجبات وحليب مجاني. سأل، الخير ده كل يوم!. قالوا ليهو، ايوا، وطول السنة وكمان معاهو علاج مجاني ومتطوعين يساعدون التلاميذ المابتكلمو لغة البلد في الدروس بعد المدرسة. زمبرة طوالي قال، طيب ياجماعة انحنا زمان ماقرينا كده وده كلو كان عندنا ولا كان هناك بترول ولا دهب ..شوفو يا كرام، يا نجيب الحرامية ديل ونحلبهم يطلعوا لينا اللغفو ده عشان نرجع زي ما كنا زمان ولا نقول لناس البلد دي خلاس ختونا تحت وصايتكم!!؟)..
Subscribe to:
Posts (Atom)