الطريق لي جوبا .. اي بص من حته لي حته تكلفتو مابين 25 لي 45 قابل للزياده طبعا زي ما عارفين كل يوم بي سعر الطيران من الرنك لي فلج مجاااااني لو ماعندك قروش .. الحكومه واصحاب البزنس موفرين طيارات للاجلاء من فلج لي جوبا .. كتر خيرهم وبارك الله في حكومتهم وشعبهم 🙏🙏🙏 في ناس مرروهم بدون جوازات .. اسالو ناس البصات لو في تحديث للحاجه دي تركب من جبل اولياء او السلمه البقاله او اقرب نقطه ليك لي ربك ناس الحاج يوسف بركبو من سوق سته لي مدني ومن مدني لي ريك وفي برضو بصات من الكلاكله او الميناء البري تركبو ربك ومن ربك تركبو جوده واللي هي دي الحدود بين الشمال والجنوب ومن جوده حتركبو الرنك ممكن تبيتو هناك والصباح تصلو منطقة فلج بتاعت البترول اللي هي فيها المطار وطوالي تجو جوبا بالطياره .. او في مواصلات مرات من ربك لي الرنك مباشر برضو في متطوعين كتار حاليا بحاولو يوفر مواصلات مجان من ربك لي الرنك لي فلج .. ما تشيلو هم ومتطوعين هنا بحاولو يوفرو سكن وبيوت راحه للقادمين لحدي كا يدبرو امورهم جوبا بلد اااااامنه وجميله ومتوفر كهرباء ومويه وشقق وفنادق وكلو .. والناس طيبه وراقيه وبسيطه وياهم ناسنا ومننا وفينا 🌹🌹🌹 الفيزا 50 دولار لكن في تساهيل كتيره من اهلنا الجنوبييين مراعاة لي ظروفنا ..في ناس مرروهم بدون فيز .. حتشوفو براكم وتبكو من الفرح 🌹🙏 Thanx our south sudanese people ❤️ الناس متعاونه واهلنا الجنوبييين ما متوقفين في تقديم اي مساعده .. لدرجة في ناس بشيلوهم بدون قروش حرفيا .. اي زول لكن يعمل احتياطيو .. ده رقم اخونا ابوبكر عباس متاح للاستفسارات 211920030028+ القصه من الخرطوم للرنك دي بتاخد من الصباح للمغرب .. بعداك يفضل تبيت ترتاح وتاني يوم تجي جوبا .. الشارع امان لحدي الان (حسب معلوماتي) ماف مشكله حصلت لي زول ححاول انسق اليومين الجايات ديل ارقام ناس تستقبلكم هناك وتسهل ليكم الدرب .. اصبرو لي بس واي زول يصل جوبا انا مستعده اقدم ليو كل انواع المساعده والسكن والاكل والشراب اي زول يرسل انبوكس يخش دايركت في الموضوع بدون سلام ومرحب وازيك وبتاع كسبا للزمن واقدر افيد اكبر قدر ممكن اما ناس التعارف ديل ياريت يختشو حبه في ظل الظروف دي تابعو صفحة اخونا دينق ده https://www.facebook.com/denggoc?mibextid=ZbWKwL